الفقد الغامض
مو كل فقد يعني وفاة واختفاء أحيانًا الإنسان يفقد شخص وهو للحين موجود قدامه يشوفه/ يكلمه كل يوم لكن ما عاد يحس فيه مثل أول وهنا يبدأ شيء يسمونه الفقد الغامض وهو من أصعب أنواع الفقد لأن ما فيه نهاية واضحة ولا فرصة حقيقية للتجاوز ،فقد يُضيعك ويغرقك بدوامه لا نهايه لها
يمكن تفقد صديق تغير عليك أو أحد من أهلك صار بعيد رغم قربه أو شخص كان جزء كبير من يومك ثم اختفى بدون تفسير وتبقى الأسئلة تدور براسك وش صار وليه تغير وهل الغلط مني أو منه ، ليه يسوي كذا وهو يدري انه يضايقك، ليه يتجاهل
أصعب شيء في الفقد الغامض إنك ما تعرف هل تنتظر أو تمشي ولا تقدر تحزن بشكل كامل لأن الأمل باقي موجود ولو بنسبة بسيطة وهذا اللي يخلي المشاعر متعبة ومتداخلة ببعضها البعض
كثير ناس يعتقدون إن الفقد يكون بالموت وبس لكن الحقيقة إن الغياب العاطفي والهجر والاختفاء المفاجئ يتركون أثرًا يمكن يكون بنفس القوة لأن الإنسان ما يفقد وجود الشخص فقط بل يفقد الأمان والذكريات والروتين اللي كان يجمعهم
هناك جراح لاتنزف دمًا بل تنزف أسئله ليس لها اجوبه
في النهاية مو كل الأسئلة لها إجابة ومو كل العلاقات ترجع مثل أول أحيانًا أفضل شيء يقدر يسويه الإنسان إنه يتقبل إن بعض النهايات قدرها غامض ويختار يكمل حياته بدل ما يظل واقف ينتظر تفسير يمكن ما يجي أبدًا
اصيح 😢😢😢؟
مُعبر